Textbook in lighting technology

Góð lýsing er mikilvægari en flestir gera sér grein fyrir. Ljósfræði, lýsingartækni og hönnun góðrar lýsingar eru hrífandi greinar. Í þeim sameinast stærðfræði, eðlisfræði, lífeðlisfræði, tækni, sálfræði og fagurfræði á áhrifamikinn hátt.

Góð lýsing eykur gæði og afköst í allri vinnu og stuðlar jafnframt að vellíðan og öryggi á öllum sviðum. Þessi kennslubók í lýsingartækni er sérstaklega ætluð verðandi rafvirkjum en kemur væntanlega ýmsum öðrum að gagni. Má þar nefna ráðgjafa, hönnuði, tæknimenn og arkitekta sem fást við verkefni þar sem góð lýsing skiptir máli.