Erfðafræði handa framhaldsskólum

Fyrri útgáfur þessarar kennslubókar komu út 1978 og 1991. Erfðafræðin hefur nú unnið sér fastan sess sem sjálfstæður áfangi á náttúrufræðibrautum og sem valgrein í námskrá framhaldsskóla. Þær byltingarkenndu framfarir sem orðið hafa á síðustu áratugum í erfðafræði og sameindaerfðafræði setja að sjálfsögðu svip á bókina, sem er nokkru stærri en fyrri útgáfur hennar, og er verulegur hluti vaxtarins myndefni.