Verslunarreikningur

Bókin er ætluð til kennslu í verslunarreikningi á viðskiptasviði framhaldsskóla. Kaflaheitin eru: Jöfnur, skiptireikningur, prósentureikningur, vaxtareikningur, vaxtavextir, verðtryggð lán og erlendur gjaldeyrir. Í kaflanum um verðtryggð lán er fjallað um verðtryggingar, vísitölur lánskjara og launa, útreikninga á jafngreiðslu og afborgun lána og notuð raunhæf dæmi um lán frá ýmsum lánastofnunun.

Þessi bók er nú prentuð í fimmta skipti. Fleiri dæmum hefur verið bætt við og efnið aðlagað breyttum aðstæðum eins og nýjum lánsformum og nýrri vísitölu. Vefbókin hefur verið endurbætt. Auk viðbótarefnis og prófa fylgja nú hverjum kafla leiðbeiningar og æfingar fyrir Microsoft Excel. Með því móti má nýta innbyggðar formúlur til útreikninga á viðskiptadæmum og kennslan getur farið að hluta til eða að öllu leyti fram á tölvum. Kennslubókin myndar eftir sem áður fastan ramma en vefbókin býður upp á tækifæri til að nýta nýja tækni við lausnaraðferðir og nota Internet til að fá ávallt nýjustu upplýsingar um gengi, vexti, vísitölur o.fl.