Materials science for the metal industry

Efnisfræði fyrir málmiðnað veitir á kerfisbundinn hátt innsýn í uppbyggingu, framleiðslu og úrvinnslu málma og annarra efna sem notuð eru í málmiðnaði. Í bókinni er fjallað um hefðbundna og sjaldgæfari málma og málmblöndur, notkunarsvið þeirra og aðferðir við steypingu og herslu.

Plastefni eru talsvert notuð í málmiðnaði og geta í vissum tilfellum komið í stað ýmissa málma. Því er fjallað um ítarlega um þau í bókinni, uppbyggingu, vinnsluaðferðir og notkunarmöguleika þeirra. Einnig er þar að finna sérstakan kafla um kemísk efni. Bókin er samin sem kennsluefni fyrir málmiðnaðar- og vélstjórnarbrautir framhaldsskóla, tækninám og annað nám þar sem staðgóð þekking á efnisfræði er nauðsynleg. Hún hentar einnig sem uppsláttarrit í tengslum við margvísleg störf í málmiðnaði.