SKO – horna- og rúmfræði

SKO er kennslubók í stærðfræði og fjallar um helstu þætti horna- og rúmfræði, eins og námsskrá fyrir framhaldsskóla kveður á um. Texti bókarinnar er saminn með það í huga að unglingar eigi auðvelt með að tileinka sér efni hennar, en til stuðnings fylgja góð sýnisdæmi og skýringarmyndir. Kaflapróf eru enn fremur í lok hvers kafla, en með því að leysa þau geta nemendur betur áttað sig á því hvar þeir standa í náminu.

Það er nýjung við þessa kennslubók að henni tengjast myndbönd þar sem efnið er skýrt nánar í máli og myndum og farið í útreikninga dæma. Myndböndin eru merkt með QR-kóðum sem auðvelt er að nálgst með því að taka mynd af þeim með snjalltæki. Af þeim sökum hentar bókin vel í flipp-kennslu, fjarnámi eða hefðbundinni kennslu þar sem unnt er að nota myndböndin sem ítarefni. Einnig ætti bókin að gagnast öllum þeim sem vilja stunda nám upp á eigin spýtur eða á sínum eigin hraða.