Fjölbraut í 50 ár

Fjölbrautaskólinn í Breiðholti (FB) var fyrsti fjölbrautaskóli landsins og markaði tímamót í íslenskri skóla- og menntasögu. Á ýmsu gekk fyrstu árin en þau einkenndust af stórum draumum og fögrum fyrirheitum en líka erfiðleikum og átökum.

Í bókinni er viðburðarík saga FB rakin og sjónum er beint að námi, kennslu og starfsfólki en ekki síst litríkum og afar fjölbreyttum nemendahópi sem hefur alla tíð sett mark sitt á skólabraginn.